کراکس۔وینزویلا کے صدر نکولس مادورو نے کہا ہے کہ وہ ضرورت پڑنے پر امریکی صدر ڈونالڈ ٹرمپ کے ساتھ بات چیت کے لئے تیار ہیں لیکن بات چیت پرامن طور سے ہونی چاہئے ۔قبل ازیں، مسٹر ٹرمپ نے پیر کے روز کہا تھا کہ وہ مادور سے صرف ان کے (مادورو) کے استعفیٰ کے بارے میں بات کرنے کے لئے ملیں گے ۔ مادورو نے اے وی این نیوز ایجنسی کودیئے گئے انٹرویو میں انہوں نے کہا ‘‘میرا جواب ہے … جب ضروری ہوا تو میں نے امریکہ کے سابق نائب صدر جوبائیڈن سے ملاقات کی اور ہم نے ایک طویل عرصے تک احترام سے بات کی۔ میں امریکی صدر ڈونالڈ ٹرمپ سے ٹھیک اسی طرح ملاقات کیلئے تیار ہوں جیسے مسٹر جو سے ملا تھا۔ میں ٹرمپ کے ساتھ بات چیت کرسکتا ہوں۔ “ایجنسی کے مطابق مسٹر مادورو نے 2015 میں مسٹر جو سے بات چیت کی تھی اور اس دوران انہوں نے وینزویلا کو عزت دینے کی بات کی تھی۔
