حیدرآباد ./10 اکٹوبر ( سیاست نیوز ) ٹپہ چبوترا اور ادی بٹلہ علاقہ میں پیش آئے دو علحدہ واقعات میں دو خواتین نے خودکشی کرلی ۔ ٹپہ چبوترا پولیس کے مطابق 27 سالہ ایشونی جو کاروان علاقہ کے ساکن اشوک کی بیوی تھی ۔ اس خاتون نے کل خودکشی کی کوشش کی ۔ جس کو فوری طور پر ہاسپٹل منتقل کیا گیا جہاں رات دیر گئے یہ خاتون علاج کے دوران فوت ہوگئی ۔ ٹپہ چبوترا پولیس ذرائع کے مطابق یہ خاتون زائد جہیز کیلئے ہراسانی کا شکار تھی جس نے انتہائی اقدام کرلیا ۔ ادی بٹلہ پولیس کے مطابق 40 سالہ خاتون وجئے لکشمی جو ترکایجمال علاقہ کے ساکن شخص ارجن کی بیوی تھی ۔ یہ خاتون خرابی صحت سے پریشان تھی اور ذہنی توازن بھی خاتون کا درست نہیں تھا ۔ جس نے 9 اکٹوبر کے دن خودکشی کی کوشش کی اور رات دیر گئے فوت ہوگئی ۔ پولیس نے مقدمات درج کرلئے ہیں اور مصروف تحقیقات ہے ۔
