کراچی۔ 7 جولائی (سیاست ڈاٹ کام) کرکٹ ورلڈکپ 2019 سے باہر ہونے کے بعد پاکستانی کرکٹ ٹیم کے کھلاڑی وطن واپس پہنچ گئے۔قومی کرکٹرز رات دیر گئے الگ الگ پروازوں کے ذریعے لندن سے پاکستان پہنچے جس کے بعد وہ خانگی گاڑیوں میں ایرپورٹ سے اپنے اپنے گھر روانہ ہوگئے۔کپتان سرفراز احمد اور فاسٹ بولر محمد حسنین کراچی پہنچے جب کہ بابر اعظم، امام الحق اور آصف علی لاہور پہنچ گئے ہیں۔پی سی بی کی جانب سے ایرپورٹ پر کھلاڑیوں کا استقبال کرنے کیلئے خصوصی طور پر کوئی موجود نہیں تھا البتہ جناح انٹرنیشنل ایرپورٹ کراچی میں موجود کچھ افراد نے کپتان سرفراز کیساتھ سیلفیس لیں۔اس موقع پر کسی ناخوشگوار واقعے سے نمٹنے کیلئے پولیس نے کھلاڑیوں کو سیکیورٹی حصار میں لیے رکھا تھا۔ایرپورٹ پر میڈیا نمائندوں نے سرفراز سے بات چیت کرنے کی کوشش کی لیکن وہ میڈیا سے گفتگو کئے بغیر گھر روانہ ہوگئے تاہم آج دوپہر وہ پریس کانفرنس کیا۔اوپننگ بلے باز فخر زمان، شاہین شاہ آفریدی، شاداب خان اور عماد وسیم بھی اسلام آباد پہنچ گئے ہیں۔فاسٹ بولر محمد عامر، وہاب ریاض، محمد حفیظ اور شعیب ملک فی الحال انگلینڈ میں ہی مزید کچھ روز قیام کریں گے جبکہ ہیڈ کوچ مکی آرتھر جنوبی آفریقہ جائیں گے۔
