واشنگٹن:امریکہ کی نائب معاون وزیر خارجہ الزبتھ ہورسٹ نے کہا ہے کہ پاکستان میں انتخابات کا اعلان حوصلہ افزا ہے، آزادانہ، منصفانہ اور پرامن انتخابات کے انعقاد کے لیے پرامید ہیں۔ غیر ملکی میڈیا کے مطابق انہوں نے ایک بیان میں کہا کہ پاکستان اور امریکہ کے مابین پائیدار شراکت داری ہے، پاکستان اور امریکہ کی متعدد معاملات میں مشترکہ دلچسپی ہے۔امریکی نائب معاون وزیر خارجہ نے کہا کہ پاکستان کیلئے معیشت اور موسمی تبدیلی بڑے چیلنجز ہیں۔ الزبتھ ہورسٹ نے مزید کہا کہ امریکہ پاکستانی مصنوعات کا سب سے بڑا خریدار ہے، گزشتہ برس 9 بلین ڈالر کی تجارت ہوئی، امریکا کی طرف سے براہ راست غیرملکی سرمایہ کاری 250 ملین ڈالر رہی۔ان کا کہنا تھا کہ سیلاب متاثرین کی بحالی کے لیے پاکستان کو 215 ملین ڈالر دیئے ہیں۔
