واشنگٹن:امریکی نیشنل سکیورٹی کونسل کے ترجمان جان کربی نے کہا ہے کہ پاکستان کو تاحال سرحد پار سے دہشت گردی کے خطرات کا سامنا ہے، جو ہتھیار طالبان کے ہاتھ لگے وہ امریکہ کے نہیں افغان نیشنل آرمی کے ہیں۔ ترجمان امریکی نیشنل سکیورٹی کونسل جان کربی نے میڈیا بریفنگ کے دوران کہا ہے کہ کانگریس کی منظوری سے افغان آرمی کی ہتھیاروں سے مدد کی، انہیں مضبوط کیا۔ انہوں نے کہا ہے کہ طالبان کے قبضے کے بعد یہ ہتھیار ان کے ہاتھ لگ گئے، کچھ افغان نیشنل ا?رمی حکام نے طالبان سے لڑائی نہ کرنے کا فیصلہ کیا اور ہتھیار ڈال دیئے۔ جان کربی کا مزید کہنا تھا کہ پاکستان امریکہ کا دیرینہ شراکت دار ہے اور رہے گا۔
