نئی دہلی: ممبئی پولیس کے برخاست کمشنر پرم ویر سنگھ کی عرضی پر سماعت منگل کو سپریم کورٹ میں نہیں ہوسکی کیونکہ تعطیلی بنچ کے ایک رکن نے خود کو سماعت سے الگ کرلیا۔ مہاراشٹر حکومت کی طرف سے مسٹر سنگھ کے خلاف کی گئی محکمہ جاتی کارروائی کو چیلنج دینے والی عرضی پر سماعت جج ونیت سرن اور جج بی آر گوئی کی تعطیلی بنچ کے سامنے درج فہرست تھی۔ جیسے ہی یہ معاملہ سماعت کے لئے آیا، مسٹر سنگھ کی طرف سے سنئر وکیل پنیت بالی نے اپنی دلائل شروع کردیں لیکن جج سرن نے انہیں ٹوکتے ہوئے کہاکہ جج گوئی کو اس معاملہ کو سننے میں کچھ اعتراض ہے ۔مسٹر بالی نے حالانکہ اپنی جرح جاری رکھی تو جج گوئی نے خود کہا کہ میں اس معاملہ کی سماعت نہیں کرسکتا۔ دراصل بامبے ہائی کورٹ جج گوئی کا ‘پیرنٹل کورٹ’ رہا ہے ۔اس کے بعد جج سرن نے اس معاملہ کو ویسی بنچ کے سامنے درج فہرست کئے جانے کی ہدایت جس میں گوئی موجود نہ ہوں۔سنگھ نے اپنی عرضی کہا کہ اسے تفتیشی افسر کی طرف سے دھمکی دی جارہی ہے کہ اگر سابق وزیر داخلہ انل دیشمکھ کے خلاف شکایت واپس نہ لی تو ان کے خلاف جھوٹے مقدمے دائر کئے جائیں گے ۔
