حیدرآباد ۔ فلم پشپا 2 دی رول جس کی ہدایت کاری سوکمار نے کی ہے اور جس میں اللو ارجن، رشمیکا مندنا اور فہد فاصل نے اداکاری کی ہے، اب دنیا بھرکے باکس آفس پر257 کروڑ روپے کے ساتھ پہلے دن سب سے بڑی کمائی کرنے والی فلم بن چکی ہے۔ اس میں سے 47 کروڑ روپے امریکہ اور ہندوستان کے پریمیئرزکے ہیں۔ یہ ذہن نشین کرنے والے نمبر ہیں اور یہ ریکارڈ کچھ دنوں تک برقرار رہنا چاہئے، جب تک کہ وار2 اگلے سال ریلیز ہوگی۔ پشپا 2 نے باہوبلی 2 کے نمبروں کو 25 فیصد سے زیادہ کے فرق سے عبورکیا ہے اور یہ ایک غیر معمولی کارنامہ ہے۔ پشپا 2 نے دنیا بھر میں افتتاحی دن 257 کروڑ روپے کمائے۔ یہ اب تک کا سب سے بڑا ریکارڈ ہے۔ پشپا 2کے تقریباً 67 لاکھ ٹکٹ ہندوستان میں افتتاحی دن فروخت ہوئے۔باہو بلی 2 کے بعد یہ ہندوستان بھرکے تھیٹروں میں دوسری سب سے بڑی فلم ہے ، جس کے افتتاحی دن تقریباً 89 لاکھ شائقین تھے۔ ایک بات جو یقینی طور پر ہے کہ سامعین ان فلموں کے لیے بے پناہ محبت کا اظہار کرتے ہیں جو قائم شدہ فرنچائززکے سیکوئل ہیں، خاص طور پر وہ فلمیں جو پورے ہندوستان میں ریلیزکرتی ہیں۔
