نئی دہلی: جمعرات کو پٹرول اور ڈیزل کی قیمتوں میں کوئی تبدیلی نہیں ہوئی۔ اس سے قبل قیمتوں میں مسلسل تین دن تک اضافہ ہوا تھا۔ان دنوں ملک میں پٹرول اور ڈیزل کی قیمتیں تاریخی عروج پر ہیں اور ہر روز ایک نیا ریکارڈ بن رہا ہے ۔ معروف آئل مارکیٹنگ کمپنی انڈین آئیل کارپوریشن کے مطابق آج قومی دارالحکومت میں پٹرول اور ڈیزل کی قیمتیں بالترتیب 92.05 اور 82.61 روپے فی لیٹر پر مستحکم رہی۔ اس مہینے دہلی میں اب تک پٹرول 1.65 روپے اور ڈیزل 1.88 روپے مہنگا ہوچکا ہے ۔
