حیدرآباد 20نومبر(یواین آئی) ضلع سنگاریڈی کے پٹن چیرو میں کل شب درجہ حرارت 9 ڈگری درج کیاگیا جو محکمہ موسمیات کے مطابق تلنگانہ میں جاریہ موسم کا اقل ترین درجہ حرارت ہے ۔محکمہ موسمیات کی رپورٹ کے مطابق گزشتہ 24 گھنٹوں میں میدک کے بعض علاقوں میں شدید سرد صورتحال جاری رہی۔آئندہ دو دنوں میں بعض مقامات پر اقل ترین درجہ حرارت معمول سے 2 تا 3 ڈگری کم رہنے کا امکان ہے ۔محکمہ موسمیات کی پیش قیاسی میں بتایا گیا کہ 23، 24 اور 25 نومبر کو تلنگانہ کے بعض مقامات پر ہلکی تااوسط بارش یا گرج چمک کے ساتھ بونداباندی ہوسکتی ہے ریاست میں آئندہ تین دن تک موسم خشک رہنے کا امکان ہے جبکہ 26 نومبر کو بھی اسی طرح کی صورتحال برقرار رہے گی۔
