نئی دہلی: دہلی ہائی کورٹ نے جمعہ کو ایک عرضی پر قومی تفتیشی ایجنسی (این آئی اے) سے جواب طلب کیا۔ درخواست میں ممنوعہ تنظیم پاپولر فرنٹ آف انڈیا (پی ایف آئی) کے مبینہ ارکان کے خلاف یو پی اے کے تحت درج مقدمے سے متعلق ایف آئی آر کی کاپی فراہم کرنے کی مانگ کی گئی ہے۔ جسٹس انوپ کمار مینڈیرٹا نے محمد یوسف کی طرف سے دائر اسی درخواست پر این آئی اے کو نوٹس جاری کیا یوسف کو 22 ستمبر کو چنئی میں ان کے گھر سے غیر قانونی سرگرمیوں کی روک تھام کے قانون (یو اے پی اے) کے تحت درج ایک کیس میں گرفتار کیا گیا تھا۔ ہائی کورٹ نے کیس کی اگلی سماعت کے لیے 10 اکتوبر کی تاریخ مقرر کی ہے۔ آپ کو یاد دلائیں کہ مرکزی حکومت نے پی ایف ائی پر پانچ سال کے لیے پابندی لگا دی ہے۔
