بیجنگ ۔ یکم مارچ (سیاست ڈاٹ کام) سال کا موجودہ عرصہ ژوڈا شیوز کمپنی کا عام طور پر پرہجوم عرصہ ہوتا ہے لیکن بمشکل ایک ہزار مزدور اِس کارخانہ میں کام پر حاضر ہوئے کیوں کہ کورونا وائرس کے حملے چین کے صوبہ کے تمام کارخانوں میں مرحلہ وار انداز میں جاری ہیں۔ جبکہ تاحال جملہ 2870 ہلاکتوں کی توثیق ہوچکی ہے۔ واشنگٹن سے موصولہ اطلاع کے بموجب کورونا وائرس کے ٹائم بم کے دوران امریکہ کی انشورنس کے بغیر افرادی طاقت سے بے رحمی کے ساتھ کام لیا جارہا ہے اور مزدوروں کے اوقات کار کا تعین نہیں کیا جارہا ہے۔ سیول سے موصولہ اطلاع کے بموجب 376 سے زیادہ افراد کے آج کورونا وائرس سے متاثر ہونے کی جنوبی کوریا سے خبر ملی ہے جبکہ ہلاکتوں کی جملہ تعداد وباء کے آغاز سے اب تک 3526 ہوچکی ہے۔ نائجیریا کے کورونا وائرس سے متاثرہ مریض کو بہتر علاج کے لئے لاگوس منتقل کردیا گیا ہے۔ آئرلینڈ کی حکومت نے کورونا وائرس سے ایک شہری کے متاثر ہونے کی توثیق کردی ہے۔ جبکہ چین سے موصولہ اطلاع کے بموجب چین میں 86 ہزار سے زیادہ افراد کورونا وائرس سے متاثر ہوچکے ہیں جبکہ جملہ ہلاکتوں کی تعداد 2900 تک پہونچ گئی ہے۔ ٹوکیو سے موصولہ اطلاع کے بموجب کورونا وائرس کی توسیع کے خوف کے پیش نظر عالمی معیشتیں بُری طرح متاثر ہوگئی ہیں۔ آسٹریلیا میں ایک 79 سالہ شہری وباء سے متاثر ہوچکا ہے جبکہ جنوبی کوریا نے مزید 376 اموات ہونے کا اندیشہ ظاہر کیا ہے۔
