بیجنگ : چینی خلائی جہاز شینڑو 13 چینی خلائی اسٹیشن تک پہنچ گیا ہے۔ اسے ایک راکٹ کی مدد سے ہفتہ کی صبح ہی روانہ کیا گیا تھا۔ اس میں 3خلاباز سوار تھے، جو آئندہ 6 ماہ تک چینی خلائی اسٹیشن میں رہیں گے۔ چین خلا میں اپنا ایک اسٹیشن مکمل کر رہا ہے اور یہ خلا باز اسی کی تیاری کے مختلف مراحل مکمل کریں گے۔ چینی خلائی اسٹیشن کے ابھی دو مزید موڈیولز جوڑے جانا باقی ہیں، جس کے بعد یہ اسٹیشن مکمل طور پر فعال ہو جائے گا۔ یہ کام آیندہ برس تک مکمل کیا جا سکے گا۔
