کاغذ نگر۔22 نومبر ۔ ( سیاست ڈسٹرکٹ نیوز ) کاغذ نگر کے سابقہ مارکیٹ کمیٹی چیئرمین کے سرینواس کے مکان اور رائس مل میں کل صبح سے یعنی منگل۔ چہارشنبہ دو دنوں سے مرکزی ایجنسی آئی ٹی عہدیداروں کی جانب سے لگاتار تلاشی مہم جاری ہے۔ سابقہ مارکیٹ کمیٹی چیئرمین کے سرینواس کے مکان اور رائس میل پر اچانک دھاوے کیے جانے پر مقامی سیاسی قائدین میں ہلچل مچ گئی ہے۔ اس کی اطلاع ملتے ہی مقامی میڈیا نے سابقہ مارکیٹ کمیٹی چیئرمین کے سرینواس کہ مکان کے روبرو لگاتار صبح سے شام تک آئی ٹی ملازمین کا انتظار کرتے رہے۔ لیکن ائی ٹی ملازمین مقامی میڈیا نمائندوں کو تفصیلات بتائے بغیر چلے گئے ۔ کاغذ نگر کے علاوہ مشرق عادل آباد کے مختلف حلقوں آصف آباد ، چنور اور منچریال میں بھی ایجنسیوں کے دھاوے کی اطلاع ملی ہے ۔
