نئی دہلی: بی جے پی نے بیلگاوی (کرناٹک) میں کانگریس کی کانفرنس میں پاکستان کے زیر قبضہ کشمیر اور اکسائی چن کو ہندوستان کے نقشے سے غائب دکھانے پر سخت ردعمل ظاہر کیا ہے اور الزام لگایا ہے کہ کانگریس نے ہندوستان مخالف قوتوں کے کہنے پر اخلاقی، سیاسی اور آئینی ذمہ داریوں کی خلاف ورزی کی ہے ۔ یہاں پارٹی کے مرکزی دفتر میں ایک پریس کانفرنس سے خطاب کرتے ہوئے ، بی جے پی کے ترجمان ڈاکٹر سدھانشو ترویدی نے کانگریس پر الزام لگایا کہ وہ ملک دشمن طاقتوں کے ہاتھوں ہندوستان کو ٹکڑے ٹکڑے کرنے کی کوشش کر رہی ہے اور صرف حکومت کرنے کے لیے اسے ذات پات ، فرقے ، ریاست اور علاقے کی بنیاد پر تقسیم کرنے کی سازش میں ملوث ہونے کا الزام لگایا۔
