ممبئی 5 اپریل (سیاست ڈاٹ کام) تھیٹر کی 600 سے زیادہ شخصیتوں بشمول امول پالیکر، نصیرالدین شاہ، گریش کرناڈ اور اوشا گنگولی نے ایک مکتوب پر دستخط کئے ہیں جس میں عوام سے اپیل کی گئی ہے کہ بی جے پی کو اور اُس کی حلیف پارٹیوں کو برسر اقتدار لائیں۔ اُن کا کہنا ہے کہ ہندوستان کو اور دستور ہند کو دیگر نظریات سے خطرہ لاحق ہے۔ یہ مکتوب جمعرات کی شام 12 زبانوں میں جاری کیا گیا اور اداکاروں کی یونائیٹ انڈیا ویب سا ئیٹ پر بھی شائع کیا گیا۔ اِس میں کہا گیا ہے کہ آئندہ لوک سبھا انتخابات ملک کی تاریخ میں انتہائی اہمیت رکھتے ہیں۔ جن لوگوں نے اِس مکتوب پر دستخط کئے ہیں اُن میں شانتا گوکھلے، مہیش دتانی، اروندتی ناگ، کیرتی جین ، ابھیشک مجمدار، کنکنا سین، رتنا پاٹھک شاہ شامل ہیں۔
