بنگلورو: کرناٹک کے وزیر اعلی بسواراج بومائی نے پیر کو کہا کہ ان کی حکومت ایک آرڈیننس کو قانونی تحفظ فراہم کرنے کے لیے تمام اقدامات کرے گی جس سے تعلیمی اداروں اور سرکاری ملازمتوں میں درج فہرست ذاتوں اور درج فہرست قبائل کے لیے ریزرویشن میں اضافہ ہوتا ہے۔ گورنر تھاورچند گہلوت نے اتوار کو درج فہرست ذاتوں کے لیے ریزرویشن کو 15 فیصد سے بڑھا کر 17 فیصد اور درج فہرست قبائل کے لیے 3 فیصد سے بڑھا کر 7 فیصد کرنے کے آرڈیننس کو منظوری دی۔ گورنر کی منظوری کے بعد اسے گزٹ نوٹیفکیشن کے ذریعے عام کیا گیا گزٹ نوٹیفکیشن میں کہا گیا ہے کہ چند اور برادریوں کے شامل ہونے کے بعد ذاتوں کی تعداد میں بہت زیادہ اضافہ ہوا ہے۔ اس میں کہا گیا ہے کہ ریاست میں درج فہرست ذاتوں اور درج فہرست قبائل کی کل آبادی میں تیزی سے اضافہ ہوا ہے۔
