نئی دہلی: بہوجن سماج پارٹی کے ستیش چندر مشرا نے جمعہ کو زرعی قوانین کے خلاف احتجاج میں دہلی کی سرحدوں پر کسانوں کو روکنے خاردار تار لگانے اور خندقیں کھودنے پر اعتراض کرتے ہوئے کہا ہے کہ وہ اپنے لئے خود خندق کھود رہے ہیں۔مسٹر مشرا صدر کے خطاب پر شکریہ کی تجویز پر بحث میں شریک ہیں اور انہوں نے کہا کہ کسانوں پر آنسو گیس کے گولے داغے جارہے ہیں۔ کسان ان داتا ہیں ، وہ اپنے حقوق کیلئے احتجاج کررہے ہیں اور انکے خلاف غداری کے مقدمات درج کئے جارہے ہیں۔ انہوں نے کہا کہ یہ قابل مذمت ہے ۔ کسان ہمارے بھائی ہیں، انکے بچے ہمارے بچوں کی طرح ہیں۔ انہوں نے کہا کہ حکومت کسانوں کو ماہانہ پانچ سو روپے دے کر خریدنا چاہتی ہے ۔ یہ حکومت کسانوں پر نئے زرعی قوانین نافذ کرنا چاہتی ہے ۔ اگر کسان ان قوانین کو پسند نہیں کرتے تو ان پر جبرا کیوں تھوپا جارہا ہے ۔ انہوں نے کہا کہ حکومت کو تینوں قوانین کو واپس لینا چاہئے ۔مسٹر مشرا نے کہا کہ یہ حکومت سرکاری اداروں کو فروخت کرنے کام کر رہی ہے ۔
