نئی دہلی: کانگریس لیڈر راہول گاندھی نے کہا ہے کہ کشمیری خواتین کی سلامتی، مساوی مواقع اور احترام کو یقینی بنایا جائے گا اور وہ اس سمت میں پوری طاقت کے ساتھ کام کریں گے ۔راہول گاندھی نے کہا کہ جموں و کشمیر کے اپنے حالیہ دورے کے دوران مجھے سری نگر میں کئی کشمیری طالبات سے ملنے کا موقع ملا۔ یہ لڑکیاں مختلف کالجوں میں داخلہ لے رہی ہیں، قانون، طبیعیات، صحافت اور سیاسیات جیسے مضامین پڑھ رہی ہیں- میں نے ان کی امیدوں اور کہانیوں کو گہرائی سے سمجھا۔انہوں نے سوشل میڈیا پر کہا کہ ہم نے کولکتہ کے واقعے اور اس کے وسیع اثرات کے بارے میں بات کی، خاص طور پر خواتین کے ساتھ ہونے والے ظلم کے بارے میں۔ طالب علموں نے اس بارے میں اپنے خدشات کا اظہار کیا کہ اس طرح کے واقعات کس طرح سے ایسے نظامی مسائل کی عکاسی کرتے ہیں جن کو حل کرنے کی ضرورت ہے اور وہ مختلف شعبوں میں خواتین کی حفاظت اور وقار کو کس طرح متاثر کرتے ہیں، ہم نے جموں اور کشمیر کے آنے والے انتخابات اور ان کی حقیقی نمائندگی پر بھی بات کی۔ میری پوزیشن واضح ہے – یہ یقینی بنانا ہے کہ جموں و کشمیر میں ریاست کا درجہ بحال ہو اور وہاں کے لوگوں کے حقوق اور نمائندگی برقرار رہے ۔مسٹر گاندھی نے کہا ‘‘شادی بحث کے ایک اور دلچسپ موضوع کے طور پر ابھری – ہر لڑکی نے بہادری کے ساتھ اپنے نقطہ نظر کا اظہار کیا۔ انہوں نے آزادی صحافت کی اہمیت پر بھی زور دیا۔ کشمیر کی خواتین کے پاس طاقت، لچک، حکمت اور کہنے کو بہت کچھ ہے ۔ لیکن کیا ہم انہیں ان کی آواز سننے کا موقع دے رہے ہیں، ہم ان کی حفاظت، مساوی مواقع اور احترام کو یقینی بنانے کے بارے میں بات کر رہے ہیں – اور میں اس سمت میں پوری طرح پر اعتماد ہوں۔
