بیسل ۔11اپریل (سیاست ڈاٹ کام) سوئس ٹینس اسٹار راجرفیڈرر نے اس سال ومبلڈن منسوخ ہونے پر جذباتی بیان کے ساتھ ویڈیو جاری کی ہے جس میں انہوں نے کہا کہ ہم سب متحد ہیں، امید ہے کل آج سے بہتر ہوگا۔ کورونا وائرس کے باعث اس مرتبہ تاریخی ومبلڈن ٹورنمنٹ منسوخ کر دیا گیا ہے ، اس حوالے سے سابق ومبلڈن چمپئن راجر فیڈرر نے ایک جذباتی ویڈیو جاری کی ہے۔راجر فیڈرر نے اس ویڈیو کے ساتھ اپنے بیان میں کہا ہے کہ افسوس کہ ان گرمیوں میں ہم سب اکٹھے نہیں ہوں گے، نہ ٹینٹ لگے ہوں گے نہ ریکارڈز ٹوٹیں گے اور نہ ہی کندہ کاری والی ٹرا فیاں ہوں گی۔ انہوں نے کہا کہ ہم امید میں سب متحد ہیں کہ کل آج سے بہتر ہوگا ، ہمیں اس وقت اگلی صفوں پر لڑنے والوں کی حوصلہ افزائی کرنا ہے۔
