ممبئی ۔ بالی ووڈ اداکارہ کنگنا رناوت کے ہفتے کے روز کورونا وائرس (کووڈ ۔19) سے متاثر ہونے کی تصدیق ہوئی ہے ۔ کنگنا نے انسٹاگرام پر اپنے پیج میں یہ انکشاف کیا ہے ۔ کنگنا نے لکھا ‘‘ میں گزشتہ کچھ دنوں سے کافی تھکان اور کمزوری محسوس کررہی تھی ۔ میری آنکھوں میں ہلکی جلن بھی ہو رہی تھی ۔ ہماچل جانے سے قبل میں نے کل کورونا جانچ کرائی۔ آج موصولہ رپورٹ میں میرے مثبت ہونے کی تصدیق ہوئی ہے ۔ میں نے خود کو قرنطین کر لیا ہے ۔ انہوں نے مزید لکھا اب مجھے پتہ چل گیا ہے اور میں اسے ختم کردوں گی ۔ آپ لوگ اسے اپنے اپ پرمسلط نہ ہونے دیں ۔ آپ اس سے ڈریں گے تو یہ آپ کو ڈرائے گا ۔ چلو اس کورونا وائرس کو ہراتے ہیں ۔ یہ کچھ اور نہیں ایک فلو ہے ، جو خوب طاقت ملنے پر لوگوں کو ڈرا رہا ہے ۔
