واشنگٹن : کورونا وائرس سے بچاؤ کیلئے امریکی کمپنی نے اسمارٹ پنکھا متعارف کروادیا۔ایک امریکی کمپنی نے ہیکو یووی سی نامی اسمارٹ پنکھا کچھ عرصہ قبل متعارف کروایا تھا جو کمرے میں ہوا کی گردش یقینی بنانے کے ساتھ الٹرا وائلٹ شعاعوں سے ہوا میں موجود جراثیموں کا خاتمہ بھی کرتا ہے۔کمپنی کا دعویٰ ہے کہ خود مختار لیبارٹریز نے تصدیق کی ہے کہ اسمارٹ پنکھا نقصان دہ جراثیموں بشمول کورونا وائرس اور دیگر کی تعداد کو کم کرتا ہے۔ان پنکھوں کی قیمت 1750 ڈالرز رکھی گئی ہے اور فی الحال انھیں دفاتر اور عوامی مقامات کے لئے تیار کیا جارہا ہے۔