کریم نگر میں منعقدہ جائزہ اجلاس سے ضلع کلکٹر کے شیشانک کا خطاب
کریم نگر۔ضلع میں کورونا پھیلاؤ میں اضافہ کے مدنظر ماہ رمضان میں حکومت کے ہدایات کے مطابق مساجد میں نماز کا اہتمام کیا جائے۔ ضلع کلکٹر کریم نگر کے ششانک نے کلکٹریٹ کانفرنس ہال میں رمضان کے انتظامات کے متعلقہ امور پر پولیس کمشنر ،مونسپل کمشنر ، ضلع عہدیداران ، بزرگان دین کے ہمراہ جائزہ اجلاس میں کیا۔ اس موقع پر ضلع کلکٹر نے خطاب کرتے ہوئے کہاکہ کورونا کے پھیلاؤ کے مدنظر ماہ صیام میں کوویڈ احتیاطی تدابیر ماسک کے استعمال , سماجی دوری بنائے رکھنے ، سانیٹائیزیشن کے استعمال کو ملحوظ رکھتے ہوئے نماز کے اہتمام کی خواہش کی۔ مساجد کے نزد اسٹریٹ لائیٹ نصب کرنے ، پینے کے پانی کی سربراہی کی میونسپل کمشنر کو ہدایت دی۔ دیہی علاقوں میں پانی کی سربراہی کے لئے اقدامات کی پنچایت عہدیدار کو کلکٹرنے ہدایت دی۔ موثر برقی کی سربراہی خاص کر صبح 3 تا 6 بجے تک , شام 4:30 تا 10 بجے تک کٹوتی کے بغیر برقی کی سربراہی کی الکٹریسٹی ڈی ای کو ہدایت دی ۔ضلع کلکٹر نے 45 سال سے زائد عمر کے حامل افراد کو لازمی طور پر کوویڈ ٹیکہ اندازی کے لئے حوصلہ افزائی کرتے ہوئے مساجد میں اعلان کرنے کی بزرگان دین سے خواہش کی۔ کورونا علامات کی موجودگی پر کورونا ٹسٹ کروانے کیلئے تمام ابتدائی مراکز میں انتظامات کئے گئے۔ ضلع کو 7500 رمضان گیفٹ پیاکٹ مہیا کئے گئے ان پیاکٹ کو آر ڈی او ، تحصیلدار ، میونسپل کمشنر کے زیر قیادت تقسیم کیلئے اقدامات کی ہدایت دی۔ ضلع پولیس کمشنر کملاسن ریڈی نے خطاب کرتے ہوئے کہاکہ ضلع میں کورونا پھیلاؤ کے مدنظر ہر فرد حکومت کے قواعد پر عمل آوری کرتے ہوئے مساجد میں نمازوں کا اہتمام کریں۔ حکومت کے جاری کردہ جی او 68 اور 69 کے تحت عبادت گاہوں پر نمازوں کے اہتمام کی بزرگان دین سے خواہش کی۔سماجی دوری کے لئے مساجد میں مارکنگ کرنے ، عوام کے صحت کے ضمن 50 تا 100 سے زائد افراد کو جمع نہ ہونے دینے کی خواہش کی۔ بھینسہ میں ہوئے فسادات کے مدنظر امن و امان کے تحفظ , مذہبی تصادم سے بچاؤ کیلئے تندہی انتظامات کئے گئے۔ ماسک کے عدم استعمال پر حکومت کے احکام کے مطابق اقدام و جرمانہ عائد کیا جائیگا ۔ حکومت کے ہدایات پر عمل آوری کرتے ہوئے ضلع انتظامیہ سے تعاون کی فراہمی کی خواہش کی۔ میونسپل کمشنر کرانتی نے کہاکہ شہر کے تمام مساجد کے نزد بلیچنگ پا ؤڈر کا چھڑکاؤ کیا جارہا ہے۔ پانی کا مسئلہ پیش نہ آئے اس کے لئے خصوصی اقدامات کئے جارہے ہیں۔ مساجد کے نزد اسٹریٹ لائیٹ نصب کئے گئے ہیں۔ اس اجلاس میں ایڈیشنل کلکٹر شیام پرساد لال ، ضلع عہدیدار برائے اقلیتی بہبود مدھوسودھن , میپما پی ڈی رویندر ، انچارج پنچایت عہدیدار ہری کرشن ، آر ڈی او آنند کمار , پی بین شلوم , الکٹریسٹی ڈی ای، میونسپل کمشنر،, بزرگان دین صدر قاضی احمد مخیر شاہ خان، سابق ڈپٹی مئیر عباس سمیع ، کریم نگر جماعت اسلامی پریسیڈنٹ ایم اے لطیف ، ایم اے صمد نواب , یوسف ،مرزا علی بیگ ، سلیم ، ایس اے محسن و دیگر نے شرکت کی۔