نئی دہلی: ملک میں گزشتہ 24 گھنٹوں کے دوران کورونا وائرس کے چھ ہزار سے زیادہ نئے معاملے سامنے آئے ہیں اور اس کے ساتھ ہی متاثرہ افراد کی کل تعداد 63 ہزار سے تجاوز کر گئی ہے ۔صحت اور خاندانی بہبود کی مرکزی وزارت نے منگل کو یہاں بتایا کہ ملک میں گزشتہ 24 گھنٹے کے دوران 6660 نئے لوگ کوویڈ سے متاثر ہوئے ہیں۔ اس کے ساتھ ہی کوویڈ متاثرین کی تعداد بڑھ کر 63,380 ہو گئی ہے اور انفیکشن کی شرح 3.52 فیصد ریکارڈ کی گئی ہے۔ وزارت کے مطابق گزشتہ 24 گھنٹوں میں 9213 افراد کورونا وائرس سے صحت یاب ہوئے ہیں۔ بحالی کی شرح 98.67 فیصد ہے ۔ اسی مدت میں 1,89,087 ٹسٹ کیے گئے ہیں۔
