کریم نگر میں کانگریس پارٹی آفس پر پریس کانفرنس، ڈاکٹر ستیہ نارائنا اور سابق صدر نشین وقف بورڈ خسرو پاشا کا خطاب
کریم نگر ۔ 24 نومبر (سیاست ڈسٹرکٹ نیوز) سابق ریاستی وقف بورڈ صدر نشین خسروپاشا ہ نے آج حلقہ اسمبلی مانا کنڈور ضلع کریم نگر کا دورہ کرتے ہوئے عوام الناس سے شخصی ملاقات کی اور کانگریس پارٹی کے منشور سے واقف کروایا ۔ انہوں نے مانا کنڈور کی جامع مسجد میں نماز جمعہ ادا کی۔ بعد ازاں مصلیان مسجد سے تبادلہ خیال کیا اور مانا کنڈور کے مسلمانوں کے دیرینہ مسائل کے متعلق تفصیلات حاصل کیا اور کانگریس حکومت کے قیام کے بعد ان تمام مسائل کے حل کا تیقن دیا۔اس کے بعد خسروپاشاہ نے مانا کنڈور حلقہ اسمبلی کے کانگریس پارٹی امیدوار ڈاکٹر کاومپلی ستیہ نارائنا کے ہمراہ کانگریس پارٹی آفس پر پریس کانفرنس کو مخاطب کرتے ہوئے بی آرایس حکومت کی عوام دشمن پالیسیوں کو عوام سے واقف ہونے پر زور دیا ۔ انہوں نے کہا کہ عوام نے ٹی آر ایس کے ناقابل اعتبار قائد کے سی آر کو دس سال حکومت چلانے کا موقع فراہم کیا تھا لیکن کے سی آر نے تلنگانہ کے ترقی کے بجائے خاندانی حکمرانی کے زریعہ فائدہ اُٹھایا اور یہاں کے معصوم عوام کو گمراہ کیا ۔ انہوں نے الزام عائد کیا کہ کے سی آر نے مسلم اقلیتوں کے مفاد میں جو اعلانات کئے تھے کسی پر بھی عمل آوری نہیں کی ریاستی تلنگانہ کی قیمتی اوقافی اراضی کی مکمل حفاظت اور انتخابی وعدوں کے باوجود اوقافی اراضیات کوتباہ و برباد کر دیا۔ 12 فیصد مسلم تحفظات کا جھوٹا وعدہ کیا ۔ کسی بھی قسم کی عمل آوری نہیں کی گئی۔ انہوں نے کانگریس پارٹی کی جانب سے عوام الناس کو چھے ڈیکلریشن سے واقف کرواتے ہوئے کانگریس کے ہاتھ کو مضبوط کرنے کی تمام سے اپیل کی۔ راہول گاندھی جیسے سیکولر قائد کے طوفانی دورے سے ریاست مدھیہ پردیش میں بی جے پی کی ناکامی اور کانگریس کی مکمل کامیابی کے امکانات روشن ہیں انہوں نے مسلمانان کریم نگر سے پر زور اپیل کی کہ وہ ماناکنڈور اسمبلی حلقہ سے کانگریس پارٹی کے امیدوار ڈاکٹر کاومپلی ستیہ نارائنا کو اپنا قیمتی ووٹ دیں ۔ کہا کہ ریاست تلنگانہ میں کانگریس حکومت کے تشکیل کے فوری بعد میناریٹیز کا بجٹ 4000 کروڈ اور شادی مبارک اسکیم کے تحت ایک لاکھ ساٹھ ہزار اور مسلم اقلیتی نوجوانوں کو لونس کی بھرمار ہوگی۔ مسلم طلبہ کو ہائی اسکول سے پی جی تک تعلیم جاری رکھنے کے لئے مالی امداد دی جائے گی اس پریس کانفرنس میں آرگنائزنگ سکریٹری پردیش کانگریس کمیٹی عبدالصمد نواب ، محمد عرفان ضلع کانگریس جنرل سیکریٹری، شاہد آفریدی ، سراج الدین پاشاہ ، سید خلیل احمد ، اکرم خالدی ، مبشر احمداور کانگریس مائناریٹی قائدین موجود تھے۔