نئی دہلی، 12 ستمبر (سیاست ڈاٹ کام) نوجوان بلے باز شبھمن گل دو اکتوبر سے جنوبی افریقہ کے خلاف شروع ہونے والی گاندھی منڈیلا سیریز کے لیے ہندستانی ٹیسٹ ٹیم میں نیا چہرہ ہوں گے جبکہ اوپنر لوکیش راہل کو تین ٹسٹ میچوں کی اس سیریز کے لئے ہندستانی ٹیم سے باہر کر دیا گیا ہے ۔وراٹ کوہلی کی زیر قیادت ہندستانی کرکٹ ٹیم دو اکتوبر سے تین ٹسٹ میچوں کی سیریز کھیلنے اترے گی جس کا پہلا مقابلہ وشاکھاپٹنم کے میدان پر کھیلا جائے گا۔ ہندستان نے ویسٹ انڈیز میں دٹسٹ میچوں کی سیریز 2-0 سے جیتی تھی۔آل انڈیا سینئر سلیکشن کمیٹی نے نئی دہلی میں جمعرات کو گاندھی منڈیلا سیریز کے لیے تین ٹسٹ میچوں کی سیریز اور اس سے قبل ہونے والے پریکٹس میچ کے لئے ٹیم کا اعلان کیا۔ہندستانی کرکٹ کنٹرول بورڈ (بی سی سی آئی) کی چیف سلیکٹر ایم ایس کے پرساد کی قیادت والی کمیٹی نے 26 ستمبر سے وجے نگرم میں کھیلے جانے والے تین روزہ پریکٹس میچ کے لیے بھی اپنی بورڈ کی چیئرپرسن الیون کی ٹیم کا اعلان کیاہے جس میں روہت شرما کپتانی کریں گے ۔ہندستان اور جنوبی افریقہ کے درمیان تین ٹیسٹ میچوں کی سیریز کا پہلا میچ 2 سے 6 اکتوبر تک وشاکھاپٹنم میں، دوسرا میچ 10 سے 14 اکتوبر تک پنے میں اور تیسرا ٹیسٹ 19 سے 23 اکتوبر تک رانچی میں کھیلا جائے گا۔تین ٹسٹ میچوں کی سیریز کے لیے ٹیم اس طرح ہے: وراٹ کوہلی (کپتان)، مینک اگروال، روہت شرما، چتیشور پجارا، اجنکیا رہانے (نائب کپتان)، ھنوما وھاری، رشبھ پنت (وکٹ کیپر)، ردھمان ساہا (وکٹ کیپر)، روی چندرن اشون، رویندر جڈیجہ، کلدیپ یادو، محمد سمیع، جسپریت بمراھ، ایشانت شرما، شبھمن گل۔
بورڈ الیون ٹیم:روہت شرما (کپتان)، مینک اگروال، پریانک پانچال، ابھیمنیو یشورن، کرونا نائر، سدھیش لاڈ، ایس بھرت (وکٹ کیپر)، جلج سکسینہ، دھرمندرسنگھ جڈیجہ، اویس خان، ایشان پوریل، شاردل ٹھاکر، امیش یادو۔
