نئی دہلی: نائب صدر ایم وینکیا نائیڈو نے گوا کی آزادی کے جنگجوؤں کو سلام کرتے ہوئے ریاست کے باشندوں کی ترقی اور خوشحالی کی خواہش کی۔گوا کی آزادی کے دن کے موقع پر یہاں جاری ایک پیغام میں مسٹر نائیڈو نے کہا کہ گوا نے آزادی کے بعد ترقی کا ایک شاندار سفر طے کیا ہے ۔مسٹر نائیڈو نے کہا ‘‘ گوا کی آزادی کے دن کے موقع پر ریاست کے تمام لوگوں کے روشن مستقبل کے لیے نیک خواہشات اور گوا کی تحریک آزادی کے انقلابیوں کو میرا عاجزانہ سلام۔ اپنی ثقافت اور قدرتی حسن کی وجہ سے دنیا بھر میں مشہور اس خطے نے قوم کی ترقی میں نمایاں کردار ادا کیا ہے ۔
