عام آدمی پارٹی کے قومی کنوینر اور دہلی کے وزیر اعلی اروند کیجریوال نے گوا کا دورا کیا، انہوں نے بجلی کے میدان میں گوا کے عوام کو چار گارنٹی دی ہیں۔ انہوں نے کہا کہ اگر گوا میں ‘ آپ’ کی حکومت بنتی ہے تو ہر خاندان کو 300 یونٹ مفت اور ماہانہ 24 گھنٹے بجلی ملے گی۔ نیز، تمام پرانے بل معاف کردیئے جائیں گے اور کاشتکاروں کو کاشتکاری کے لئے مفت بجلی فراہم کی جائے گی۔انہوں نے کہا کہ گوا کے لوگوں نے کانگریس کو 17 ایم ایل اے دے کر مینڈیٹ دیا تھا اور بی جے پی کو 13 ایم ایل اے دے کر اپوزیشن میں بیٹھنے کو کہا تھا، لیکن بی جے پی نے 28 ایم ایل اے کے ساتھ حکومت تشکیل دی۔ بی جے پی اور کانگریس نے عوام سے غداری کی ہے۔ دہلی کی طرح ، گوا کے لوگ بھی اب صاف ستھری سیاست چاہتے ہیں۔ انہیں بھی اس بدعنوانی اور گندی سیاست کا خاتمہ کرنا ہے۔ عام آدمی پارٹی لوگوں کے درمیان گھوم کر گوا کے عوام کے لئے اگلے 5 سال کا ایجنڈا تیار کررہی ہے
