ماسکو : روس وزارت دفاع نے یوکرین کے علاقے خارکیف کے شہر ازیوم پر قبضے کا اعلان کیا ہے۔روس وزارت دفاع کے ترجمان ایگور کوناشینکوف نے دارالحکومت ماسکو میں جاری کردہ بیان میں یوکرین جنگ سے متعلق معلومات فراہم کی ہیں۔کوناشینکوف نے کہا ہے کہ روسی فوج یوکرین کے اندر پیش قدمی جاری رکھے ہوئے ہے۔ آج صبح فوج نے خارکیف کے شہر ازیوم کا کنٹرول سنبھال لیا ہے”۔انہوں نے کہا ہے کہ دارالحکومت کیف کے جوار کے اہداف کے لئے لانگ بیرل حساس اسلحے کا استعمال کیا جا رہا ہے۔ رات کے وقت فضاء اور سمندر سے لانگ بیرل حساس اسلحے کے ساتھ یوکرین مسلح افواج کے فوجی اہداف کو نشانہ بنایا گیا۔ حملوں کے نتیجے میں ڈانیلووکا اور کیف کے جنوب میں 9 عدد ایس۔300 اور 4عدد Buk-M1 سمیت 13 فضائی دفاعی میزائل سسٹموں کو تباہ کر دیا گیا ہے”۔ایگور کوناشینکوف نے رات کے وقت یوکرین مسلح افواج کے 60 فوجی اہداف کو نشانہ بنائے جانے کا بھی ذکر کیا اور کہا ہے کہ نشانہ بنائے گئے اہداف میں 2 کمانڈ مراکز، 2 ملٹی بیرل راکٹ لانچر، 4 ایمونیشن ڈپو، 47 فوجی گاڑیاں اور اسلحہ ڈپو شامل ہیں۔ علاوہ ازیں ‘خارکیف’ اور ‘ستارایا مارکووکا’ کے جوار میں 2 ڈرون طیاروں کو بھی تباہ کر دیا گیا ہے۔انہوں نے کہا ہے کہ اس وقت تک یوکرین افواج کے 257 ڈرون طیارے، 202 فضائی دفاعی سسٹم، 1572 ٹینک اور بکتر بند گاڑیاں، 160 ملٹی بیرل راکٹ لانچر، 633 ہووٹزر اور مارٹر توپوں اور 1379 اسپیشل فوجی گاڑیوں کو تباہ کیا جا چکا ہے”۔بیلگوروڈ کے گورنر ویاچسلاف نے بھی جاری کردہ بیان میں یوکرین کی طرف سے میزائل فائرنگ کا ذکر کیا اور کہا ہے کہ علاقے کو عوام سے خالی کر دیا گیا ہے۔دوسری طرف عالمی ادارہ صحت نے کہا ہے کہ روس اس وقت تک یوکرین کے صحت مراکز پر 64 حملے کر چکا ہے جن میں 15 افراد ہلاک ہو گئے ہیں۔
