پونے: آئی سی سی ورلڈ کپ میں ہندوستان نیبنگلہدیش کو ہراکر ٹورنمنٹ میں مسلسل چوتھا میچ جیت لیا۔پونے کرکٹ اسٹیڈیم میں میں کھیلے گئے میاچ میں جیت کیلئے بنگلہ دیش کے 257 رنز کے نشانہ کو ہندوستان نے 42 ویں اوور میں تین وکٹوں کے نقصان پر حاصل کرلیا۔ ویرات کوہلی 103 رنز اور کے ایل راہول 34 رنز کے ساتھ ناٹ آؤٹ رہے۔بنگلہ دیش کے 257 رنز کے تعاقب میں ہندوستان کی پہلی وکٹ 13 ویں اوور میں 88 کے مجموعی اسکور پر گری۔ روہت شرما 48 رنز بناکر حسن محمود کی گیند پر توحید ہردوئے کے ہاتھوں کیچ آؤٹ ہوگئے۔بیسویں اوور میں 132 کے مجموعی اسکور پر شبمن گل 53 رنز بناکر پویلین لوٹ گئے۔ 30 ویں اوور میں 178 کے مجموعی اسکور پر شیریاس ائیربھی 19 رنز بناکر آوٹ ہوگئے۔ بنگلا دیش نے پہلے بیٹنگ کرتے ہوئے مقررہ 50 اوورز میں آٹھ وکٹوں کے نقصان پر 256 رنز بنائے تھے۔ قبل ازیں بنگلادیشی ٹیم کے کپتان نجم الحسن شنتو نے ٹاس جیت کر پہلے بیٹنگ کرنے کا فیصلہ کیا۔بنگلہ دیش کیخلاف میچ میں کامیابی کے بعد پوائنٹس ٹیبل پر ہندوستان 8 پوائنٹس اور 1.659 رن ریٹ کے ساتھ دوسری پوزیشن پر برقرار ہے۔ نیوزی لینڈ 8 پوائنٹس اور 1.923 رن ریٹ کے ساتھ بدستور سرفہرست ہے۔جنوبی افریقہ 4 پوائنٹس اور 1.385 رن ریٹ کے ساتھ تیسرے اور پاکستان 4 پوائنٹس 0.137- رن ریٹ کے ساتھ چوتھے نمبر پر ہے۔انگلینڈ، آسٹریلیا، بنگلہ دیش، نیدرلینڈز اور افغانستان دو، دو پوائنٹس کے ساتھ رن ریٹ کے فرق سے بالترتیب پانچویں، چھٹی، ساتویں، آٹھویں اور نویں پوزیشن پر ہیں۔سری لنکا اپنے تینوں میچز میں شکست کے باعث ابتک کوئی پوائنٹ حاصل نہیں کرسکا اور سب سے آخری پوزیشن پر ہے۔
