اینٹیگا ۔4 فروری (سیاست ڈاٹ کام ) ویسٹ انڈیزکرکٹ ٹیم کے کپتان جیسن ہولڈر انگلینڈ کے خلاف تیسرے کرکٹ ٹسٹ سے باہر ہوگئے ہیں،آئی سی سی نے انہیں سلو اوور ریٹ پر معطل کردیا ہے۔ دوسرے میچ میں وہ سلو اوو کے مرتکب پائے گئے۔27 سالہ کپتان2017 میں بھی ایک ٹسٹ کی معطلی پاچکے ہیں۔ جیسن ہولڈر کی قیادت میں ٹیم نے 10 سال بعد انگلینڈ کے خلاف تاریخی کامیابی حاصل کی ہے۔ 2012 کے بعد بنگلہ دیش اور زمبابوے کے علاوہ کسی بڑی ٹیم کے خلاف پہلی فتح بھی ہے ۔ ہولڈر اس وقت سیریز کے ٹاپ اسکورر ہیں جو 114 سے زائد کی اوسط سے 229 رنز بناچکے ہیں ۔ انہوں نے پہلے میچ میں ڈبل سنچری بھی اسکور کی ۔ انگلینڈ اور ویسٹ انڈیز کے درمیان تیسرا میچ ہفتے کو سینٹ لوشیا میں شروع ہوگا۔
