نئی دہلی۔ دنیا کے تیز ترین انسان یوسین بولٹ کی نظر کرکٹ میں کیریئر پر ہے اور وہ جمیکا کے سوپر اسٹارز جیسے کرس گیل اور آندرے رسل کی طرح ٹی 20 لیگز میں کھیلنے کے خواہشمند ہیں اور اب ان کی یہ خواہش پوری ہوئی ہے۔ بولٹ کی ٹی20 کرکٹ کھیلنے کے عزائم کو پورا کرتے ہوئے جمیکا کے لیجنڈ بولٹ سے ہندوستان کے پہلے لائیو ڈیجیٹل اسپورٹس چینل پاور اسپورٹزنے رابطہ کیا گیا ہے، جوکہ جلد ہی مشرق وسطیٰ کے کسی مقام پرمنعقد ہونے والی ٹی 20 لیگ کا حصہ بنے۔پاور اسپورٹز کی بانی اور ایڈیٹر انچیف کانتھی ڈی سریش جو لیگ کے حقوق کے حامل ہیں ، مقام کی تصدیق کے لیے دستیاب نہیں تھیں، معلوم ہوا کہ یہ خلیج میں منعقد ہو سکتی ہے، جو کہ دیر سے کرکٹ کی ایک مقبول منزل کے طور پر ابھرا ہے۔ آٹھ بار کے اولمپک گولڈ میڈلسٹ اور 11 بار کے عالمی چمپئن،لائٹننگ بولٹ کے پاس 100 میٹر میں 9:58 سیکنڈ کا موجودہ عالمی ریکارڈ ہے، جو انہوں نے برلن میں آئی اے اے ایف 2009 ورلڈ چمپئن شپ میں حاصل کیا تھا۔ جبکہ وہ ٹریک سے سبکدوش ہو چکے ہیں اسپرنٹر نے کئی مواقع پر اپنی کرکٹ کی مہارت دکھانے کی خواہش کا اظہار کیا ہے۔ بولٹ نے یہ بھی انکشاف کیا ہے کہ انہوں نے اپنے والد کی خواہش کے آگے جھکتے ہوئے کیریئر کے آپشن کے طور پر ٹریک اینڈ فیلڈ کو اختیار کیا اور کرکٹ ہمیشہ سے ان کی پہلی محبت رہی۔ بولٹ نے صحیح وقت پر کرکٹ سے وابستگی کے لیے اپنی دلچسپی کا اظہار کیا ہے، کیونکہ خلیج اور دیگر جگہوں پر ٹی 20 لیگز کا سلسلہ جاری ہے لیکن اگر وہ کرکٹ کے میدان میں اپنی صلاحیتوں کا مظاہرہ کرنا چاہتے ہیں تو اس لیجنڈ کو کرکٹ کے ذہانت کے ساتھ اپنی دوڑ کی مہارتوں کی حمایت کرنی ہوگی۔ جمیکا کے لیے یہ آسان نہیں ہوسکتا ہے کیونکہ نامور بین الاقوامی کھلاڑیوں کے ساتھ جگہ حاصل کرنا، جو اس کھیل کے ماہر ہیں ان کے لئے ایک بڑا کام ہوگا۔ یہ بھی دیکھنا باقی ہے کہ بولٹ بیٹسمین بننے کو ترجیح دیں گے یا بولر۔ اپنی رفتارکے ساتھ وہ ایک عظیم فاسٹ بولر بن سکتے ہیں، یا وہ ایک قیمتی بیٹسمین بن سکتے ہیں جس کی طاقت کی وجہ سے ان سے بڑے چھکوں کی توقع کی جاسکتی ہے، لیکن جب وہ میدان میں اتریں گے تو سب کی نظریں بولٹ دی رنر پر ہوں گی۔یادرہے کہ بولٹ اس قبل کئی ایک دوستانہ مقابلوں میں اپنی کرکٹ صلاحیتوں کا لوہا منواچکے ہیں جہاں انہوں نے بیٹنگ کے علاوہ بولنگ کا بھی ہنر دیکھایا ہے اور شائقین امید کررہے کہ کہ بولٹ کی کرکٹ میں آمد ایک دلچسپ اضافہ ہوگا۔
