جارج ٹاؤن (گیانا) ۔ فضل الحق فاروقی کی پانچ وکٹوں کی شاندار بولنگ کی بدولت افغانستان نے منگل کو یہاں پروویڈنس اسٹیڈیم میں آئی سی سی مینز ٹی ٹوئنٹی ورلڈ کپ کے گروپ سی کے میچ میں ڈیبیو کرنے والے یوگنڈا کو 125 رنز سے شکست دے دی۔ ڈیتھ اوورز میں یوگنڈا کے بولروں کی بہتر بولنگ کے باوجود، افغانستان نے ابراہیم زدران (46 پر 70 رنز) اور رحمن اللہ گرباز کے (42 گیندوں پر 76 رنز) کے درمیان 154 رنز کے شاندار اوپننگ اسٹینڈ کی بنیاد پر 183/5 کا مضبوط اسکور بنایا۔ ایک بڑے اسکور کے دفاع میں، فاروقی نے اپنی شاندار بولنگ کے ساتھ جیت کے لیے بنیاد ترتیب دی، جس نے یوگنڈا کو 16 اوورز میں 58 رنز پر ڈھیر کرنے کے لیے 5-9 کے اعداد وشمار درج کئے اور اپنی ٹیم کے لیے زبردست جیت سمیٹی۔ برائن مسابا نے ٹاس جیت کر پہلے بولنگ کا فیصلہ کیا۔ افغانستان کے اوپنرز نے سازگار بیٹنگ حالات اور یوگنڈا کی فیلڈنگ کی ناکامی کا فائدہ اٹھایا۔ ابتدائی طور پر گرباز نے رنز بنانے قیادت کی، زدران نے ان کے ساتھ مل کر چھٹے اوور میں چار چوکے لگائے۔ دونوں نے غلبہ حاصل کرنا جاری رکھا، گرباز نے نویں اوور میں اپنی پہلی ٹی20 ورلڈ کپ نصف سنچری مکمل کی، جس میں چار چھکے اور دو چوکے شامل تھے۔ افغانستان نے 10ویں اوور تک 100 رنزکا ہندسہ عبور کر لیا، بلال شاہ کے 25 رنز کے ایک اوورکی مدد سے، جس میں پانچ نو بالز اور پانچ وائیڈز شامل تھے، جس نے انہیں 150 تک پہنچا دیا۔ آخرکار کپتان مسابا نے ابراہیم زدران کو آؤٹ کرتے ہوئے یوگنڈا کی پہلی وکٹ حاصل کی۔ اور 154 رنزکا اوپننگ اسٹینڈ توڑ دیا۔ تجربہ کار ٹوئیکر الپیش رمجانی اور مسابا نے پھر افغانستان کے ٹاپ آرڈرکو آوٹ کرنے کے لیے اگلے دو اوورز میں دو وکٹ لئے ۔ یوگنڈا کے بولروں نے آخری چار اوورز میں تین وکٹوں پر صرف 22 رنز دے اور افغانستان کو ایک ہمالیائی اسکور سے دور رکھا ۔ 183 رنزکا دفاع کرتے ہوئے فاروقی نے رونک پٹیل (4) اور راجر مکاسا (0) کو یکے بعد دیگے دوگیندوں پر آؤٹ کرکے افغانستان کو بہترین آغاز فراہم کیا۔ وہ ہیٹ ٹرک سے محروم رہے کیونکہ ریاضت علی شاہ انتہائی قریبی فرق سے آوٹ ہونے سے بچ گئے، افغانستان کا تیسرا وکٹ اس وقت لیا جب مجیب الرحمان نے سائمن سیزئی کو 4 رنز پر آؤٹ کیا۔ جب کھیل میں متعارف کرائے جانے والے تیسرے بولر نوین الحق نے اپنے پہلے ہی اوور میں دو وکٹیں حاصل کیں تو یوگنڈا 18/5 پر انتہائی مشکل میں تھا۔ ریاضت علی اور رابنسن اوبیا کے درمیان ایک مختصر رفاقت نے ٹیم کو عارضی طور پر مستحکم کیا، لیکن فاروقی نے مزید دھکا پہنچانے اورکھیل پر افغانستان کی گرفت مضبوط کرنے کے لیے واپس آئے۔ فاروقی نے 5/9 کے ساتھ اپنا کوٹہ ختم کیا، جبکہ آخری کیل کپتان راشد خان نے ماری ۔
مختصر اسکور: افغانستان 20 اوور میں 183/5 (ابراہیم زدران 70، رحمان اللہ گرباز 76؛ برائن مسابا 2-21) یوگنڈا 16 اوورز میں 58 آل آؤٹ (رابنسن اوبیا 14؛ فضل الحق فاروقی 5-9) ۔
