والنسیا: کپتان اور گول کیپر سویتا پونیا کی بہترین کارکردگی کے ساتھ ہندوستان نے آئرلینڈ کو ینلٹی شوٹ آؤٹ میں 2-1 سے شکست دے کر فائنل میں جگہ پکی کرلی ہے۔ ایف آئی ایچ ہاکی ویمنس نیشن کپ کے فائنل میں ہندوستان کا مقابلہ جمعہ کے روز اسپین کے ساتھ ہوگا۔ میچ کے مقررہ وقت تک دونوں ٹیمیں 1-1 گول سے برابر تھیں۔ ہندوستان کے لیے اڈیتا نے 45 ویں منٹ میں برابری کا گول کیا۔ اس سے قبل ناؤمی کیرول نے 13ویں منٹ میں آئرلینڈ کو برتری دلائی تھی۔ ہندوستان کی جانب سے لالریمسیامی اور سونیکا نے گول کیے، جب کہ آئرلینڈ کے لیے ہنہ میک لافلن نے شوٹ آؤٹ میں گول کیا۔
