اسلام آباد : پاکستان کے نگران وزیراعظم انوارالحق کاکڑ نے کہا ہے کہ موسمیاتی تبدیلی ایک بڑا چیلنج ہے، ہم نے اپنی آئندہ آنیوالی نسلوں کے لئے کرہ ارض کومحفوظ بنانا ہے۔ تفصیلات کے مطابق نگران وزیر اعظم انوارالحق کاکڑ نے دبئی میں گلوبل اسٹاک ٹیک اورعملدرآمد سے متعلق اعلیٰ سطح گول میز کانفرنس سے خطاب کرتے ہوئے کہا کہ کاپ28 کے کامیاب انعقاد پریو اے ای کی قیادت کو مبارکباد پیش کرتا ہوں ، موسمیاتی تبدیلی سے متاثرہ ترقی پذیرملکوں کومختلف مسائل کا سامنا ہے۔ انہوں نے کہا کہ ترقی پذیر ملکوں کوموسمیاتی چیلنج سے نمٹنے کیلئے فینانس، استعدادکار اور ٹیکنالوجی کی ضرورت ہے، موسمیاتی چیلنج سے نمٹنے کیلئے ترقی پذیر ملکوں کی ضروریات 100ارب ڈالرکی یقین دہانیوں سے کہیں زیادہ ہے، 2030 تک کم ازکم 6 ٹریلین ڈالرترقی پذیر ملکوں کی ضروریات کوپورا کرنے کے لئے دینا ہوں گے۔
