کیف : یوکرین کے صدر ولادیمیر زیلنسکی نے اعلان کیا ہے کہ انہوں نے روس کے ساتھ امن مذاکرات اگلے ہفتے کے اوائل میں دوبارہ شروع کرنے کی تجویز پیش کی ہے۔ زیلنسکی نے ہفتے کے روز کہا، “سلامتی کونسل کے سکریٹری رستم عمروف نے یہ بھی اطلاع دی ہے کہ انہوں نے اگلے ہفتے کے لئے روسی فریق کے ساتھ اگلی ملاقات کی تجویز پیش کی ہے۔انہوں نے کہا کہ مذاکرات کی رفتار کو تیز کیا جانا چاہیے۔یہ پیش رفت ایک ایسے وقت میں سامنے آئی ہے جب بین الاقوامی سطح پر جاری جنگ کے خاتمے کے لیے سفارتی کوششوں کو بحال کرنے کے مطالبے کیے جا رہے ہیں۔ اگرچہ اس تجویز کی تفصیلات ابھی تک ظاہر نہیں کی گئی ہیں ، لیکن یہ کیف کی طرف سے پہلا عوامی اشارہ ہے کہ وہ بالواسطہ مذاکرات کے پچھلے دور کے ناکام ہونے کے بعد ماسکو کو دوبارہ شامل کرنے پر آمادگی ظاہر کرتا ہے۔
