لکھنؤ: 15 اگست (یو این آئی) ریاستی کانگریس کے صدر اجے رائے نے جمعہ کو کہا کہ ملک کے آئین اور جمہوریت کو کمزور کرنے کی سازش رچی جا رہی ہے ، جو انتہائی افسوسناک ہے ۔79 ویں یوم آزادی کے موقع پر پارٹی کے ریاستی دفتر پر پرچم کشائی کرنے کے بعد رائے نے کہا کہ 15 اگست 1947 وہ تاریخی دن تھا جب ہمارے ملک نے برسوں کی غلامی سے آزادی حاصل کی تھی، جس کے لیے بابائے قوم مہاتما گاندھی، پنڈت جواہر لال نہرو،سبھاش چندر بوس، سردار بھگت سنگھ،چندرشیکھر آزاد، مولانا عبدالکلام آزاد سمیت سینکڑوں نامعلوم انقلابیوں نے ہمیں یہ آزادی دلانے کے لیے اپنی جانیں نچھاور کر ہمیں یہ آزادی دلائی تھی۔انہوں نے کہا کہ آج ملک ایک بار پھر اسی دور سے گزر رہا ہے جہاں ملک کے آئین اور جمہوریت کو کمزور کرنے کی سازش کی جارہی ہے جو کہ انتہائی افسوسناک ہے لیکن ہمیں مایوس اور ناامید ہونے کی ضرورت نہیں ہے کیونکہ ہمیں جننائک راہل گاندھی جیسے لیڈر کی قیادت ملی ہے جو اس جمہوریت کو بچانے کے لئے ایوان سے لے کر سڑک تک مسلسل لڑ رہے ہیں۔رائے نے کہا کہ راہول گاندھی کے ساتھ کندھے سے کندھا ملا کر کھڑے ہونا اور اپنی جمہوریت اور آئین کی حفاظت کے لیے لڑنا ہمارا فرض ہے ۔ نوجوان ملک کی سب سے بڑی طاقت ہیں۔ انہیں آگے آنا چاہیے ، اپنے فرائض کو سمجھنا چاہیے اور ملک کی ترقی میں اپنا تعاون یقینی بنانا چاہیے ۔
