کلبرگی، 26 نومبر (آئی اے این ایس)کرناٹک کے کلبرگی ضلع میں ایک سڑک حادثے میں تین افراد ہلاک ہوئے، جن میں ایک سینئر آئی اے ایس افسر بھی شامل ہیں۔ ہلاک ہونے والوں کی شناخت مہانتیش بیلاگی ان کے بھائی شنکار بیلاگی اور رشتہ دار ایرانا شیرسنگی کے طور پر کی گئی ہے۔ پولیس کے مطابق حادثہ اس وقت پیش آیا جب ڈرائیور نے سڑک پر موجود ایک کتے کو بچانے کی کوشش کی اور گاڑی پر قابوکھودیا۔ گاڑی جس میں مذکورہ افراد سفرکر رہے تھے، الٹ گئی جس کے نتیجے میں تینوں افراد ہلاک ہوگئے۔ 51 سالہ مہانتیش بیلاگی اسپتال میں زخموں کی تاب نہ لاتے ہوئے چل بسے جبکہ ان کے بھائی اور رشتہ دار موقع پر ہی ہلاک ہو گئے۔ حادثہ جیورگی تعلقہ کے گونالی کراس کے مقام پر پیش آیا۔ مہانتیش بیلاگی وِجای پورہ سے کالا بْراگی شادی کی تقریب میں شرکت کے لیے سفر کر رہے تھے۔ مہانتیش بیلاگی 2012 کے کرناتک کیڈر کے آئی اے ایس افسر تھے اور اس وقت کرناتک اسٹیٹ منرلز کارپوریشن کے مینجنگ ڈائریکٹر کے طور پر تعینات تھے۔
