تہران: بین الاقوامی ایٹمی توانائی ایجنسی (آئی اے ای اے ) کے ڈائریکٹر جنرل رافیل گروسی بدھ کو اپنے دورہ ایران پر پہنچیں گے اور ایرانی وزیر خارجہ عباس عراقچی اور ایٹمی توانائی تنظیم کے سربراہ محمد اسلامی سے ملاقات کریں گے ۔اس دوران گروسی ایران کے ساتھ جوہری تعاون اور نگرانی کی سرگرمیوں پر بات کریں گے ۔آئی اے ای اے کے ڈائریکٹر جنرل کا یہ دورہ ایران اور امریکہ کے درمیان جوہری مذاکرات کے دوسرے دور کے منصوبہ بند اجلاس سے پہلے ہوگا۔ پہلا دور 12 اپریل کو عمانی دارالحکومت مسقط میں منعقد ہوا تھا۔
ترکیہ میں آئی ایس کے
89 مشتبہ ارکان حراست میں
استنبول: ترکیہ کے وزیر داخلہ علی یرلیکایا نے کہا کہ سیکورٹی فورسز نے دہشت گرد تنظیم اسلامک اسٹیٹ (روس میں ممنوعہ آئی ایس اور آئی ایس آئی ایس) کے 89 مشتبہ ارکان کو حراست میں لیا ہے ۔یرلیکایا نے چہارشنبہ کو سوشل میڈیا پلیٹ فارم ‘ایکس’ پر کہاکہ “آئی ایس کے خلاف آپریشن میں 17 صوبوں سے 89 مشتبہ دہشت گردوں کو گرفتار کیا گیا ہے ۔” یہ آپریشن استنبول اور انطالیہ صوبوں سمیت دیگر علاقوں میں چلایا گیا۔