نارائن پیٹ کے کسانوں میں مسرت کی لہر، حکومت سے اظہار تشکر
نارائن پیٹ۔ 12 ستمبر ( سیاست ڈسٹرکٹ نیوز) نارائن پیٹ کوڑنگل لفٹ ارگیشن کے متاثرہ کسانوں کو فی ایکر 20لاکھ روپیہ دینے کے اعلان پر نارائن پیٹ ضلع کے کسانوں میں زبردست خیر مقدم اور مسرت کی کیفیت دیکھی جارہی ہے۔ واضح رہے کہ ریاستی حکومت نے اس اسکیم سے متاثرہ کسانوں کے مسلسل احتجاج پر ایک اہم فیصلہ لیتے ہوئے 14لاکھ فی ایک معاوضہ سے بڑھا کر 20 لاکھ معاوضہ کردیا ہے ، چنانچہ دامرگدہ تانڈہ کے متاثرہ کسانوں نے چیف منسٹر ریونت ریڈی ،رکن اسمبلی نارائن پیٹ ڈاکٹر چٹم پرنیکاریڈی ، اور سابق صدر ضلع کانگریس کے شیو کمار ریڈی کے تصاویر کو دودھ سے نہلایا ،یہاں اس بات کا تذکرہ ضروری ہے کہ سابقہ کانگریس حکومت نے جی او 69 کے ذریعہ ناراین پیٹ اور کوڑنگل کے قحط سالی سے متاثرہ علاقوں کے زرعی اراضیات کو کرشنا ندی کے پانی سے سیراب کرنے کے لئے سابق چیف منسٹر آنجہانی وائی ایس آر کے زمانے میں نارائن پیٹ کوڑنگل لفٹ اریگیشن کااعلان کیا تھا تا اہم ٹی آر ایس حکومت کی تشکیل کے بعد اس اسکیم کو پس پشت ڈالدیا گیا تھا ، کانگریس کے دوبارہ برسر اقتدار آنے پر اس اسکیم کو دوبارہ احیا ء کیا گیا جس کا کانگریس نے انتخابات میں وعدہ کیا تھا ، اس اسکیم سے متاثرہ کسانوں نے جو اپنے زمینیں کھو رہے تھے ۔ اپوزیشن جماعتوں کی شہ پر معاوضہ کی رقم بڑھا کر 14 لاکھ کے بجائے 30 لاکھ کرنے کے لء زبردست احتجاج شروع کیا تھا ، چنانچہ ریونت ریڈی حکومت نے کسانوں کے مفاد میں اس رقم کو بڑھا کر 20 لاکھ روپیہ کردیا ہے ، جس کا کسانوں نے خر مقدم کیا ہے ۔
