لاہور۔ 8 جولائی (سیاست ڈاٹ کام ) شعیب اختر نے کہا ہے کہ مکی آرتھر نے ا?سٹریلیا کے بعد پاکستان کرکٹ کو بھی تباہ کردیا لہٰذا جدید کرکٹ کو سمجھنے والے لوگ سامنے لائے جائیں۔ انہوں نے مزید کہا کہ پاکستان کو ورلڈکپ میں چھوٹی غلطیوں کا بڑا خمیازہ بھگتنا پڑا، ہم3سیریز میں شکستوں کے بعد میگا ایونٹ میں شریک ہوئے تھے اگرچہ انگلینڈ، نیوزی لینڈ اور جنوبی افریقہ جیسی ٹیموں کوشکست دی ہے لیکن مہم کا اختتام مایوس کن رہا جبکہ ویسٹ انڈیز کیخلاف بڑی شکست کا بڑا نقصان ہوا۔ انہوں نے کہا کہ ہیڈ کوچ مکی آرتھر جنوبی افریقہ کے بعد آسٹریلیائی کرکٹ میں مسائل کا سبب بنے،انھوں نے پاکستان کرکٹ کو بھی تباہ کردیا، بہتری کے بجائے مسائل پیدا ہوئے۔ شعیب اختر نے کہا کہ اگلے ورلڈکپ کی باتیں کرنے کے بجائے ایک ایک سیریزکی تیاری کریں۔ بیٹنگ میں دلیری اور اسٹرائیک ریٹ بہتر بنانے کی ضرورت ہے۔50اوورزکی اننگز میں بھی کئی مرحلے ہوتے ہیںان کے مطابق کھیلنے کا ہنر سیکھنا پڑتا ہے،معاملات میں درستگی کیلئے جدید کرکٹ کو سمجھنے والے لوگ آگے لائے جائیں۔ وقا ریونس نے کہاکہ ہر کرکٹر کو اپنے مستقبل کا فیصلہ کرنے کا حق حاصل ہے لیکن میرے خیال میں محمد حفیظ کو اب سبکدوش ہوجانا چاہیے۔ شعیب ملک کی پاکستان کرکٹ کیلیے بڑی خدمات رہی ہیںجوکہ ٹیم کے ایک طویل عرصے تک اہم کھلاڑی رہے۔
