یروان : آرمینیا کے وزیر اعظم نکول پاشینیان نے اپنے ملک اور ہمسایہ ملک آذربائیجان کے درمیان طے پانے والے امن معاہدہ کے مسودے پر دستخط کرنے کے لیے تیار ہونے کا اعلان کیا ہے۔آرمینیا اور آذربائیجان کے درمیان معاہدہ کے مسودے پر اتفاق ہو چکا ہے اور اس پر دستخط کا انتظار ہے۔ پشینیان نے چہارشنبہ کے روز ایک بیان میں کہا کہ میں طے شدہ مسودے کے تحت اپنے دستخط کرنے کے لئے تیار ہوں۔پاشینیان کا یہ بیان ایسے وقت میں سامنے آیا ہے جب آذربائیجان اور آرمینیا نے گزشتہ جمعرات کو امن معاہدہ کے مسودے پر الگ الگ ایک معاہدے کا اعلان کیا تھا، جس کے تحت کئی دہائیوں سے جاری تنازعہ کو ختم کرنے اور باکو اور یریوان کے درمیان سفارتی تعلقات قائم کیے جائیں گے۔دونوں سابق سوویت جمہوریہ کے درمیان تعلقات 1991 سے کشیدہ ہیں جب آرمینیائی فوج نے کاراباخ اور سات ملحقہ علاقوں پر قبضہ کر لیا تھا۔آذربائیجان نے 2020 کے موسم خزاں میں 44 روزہ جنگ کے دوران زیادہ تر علاقے کو آزاد کرایا تھا ، جو روس کی ثالثی میں ہونے والے امن معاہدہ کے بعد ختم ہوا تھا جس نے معمول پر لانے اور حد بندی مذاکرات کے دروازے کھول دیے تھے۔ستمبر 2023 میں آذربائیجان نے کاراباخ میں مکمل خودمختاری قائم کی جب علاقے میں علیحدگی پسند قوتوں نے ہتھیار ڈال دیے۔
