لاس اینجلس۔ ناٹو ناٹو گیتگولڈن گلوب ایوارڈ جیتنے کے بعد، ایس ایس راجامولی کے مہاکاوی ڈرامے آر آر آر نے بہترین غیر ملکی زبان کی فلم کا ایوارڈ جیتا اور اس نمبر کے لیے بہترین گانے کی ٹرافی بھی حاصل کی ہے ۔ لاس اینجلس کے فیئرمونٹ سنچری پلازہ میں 28 ویں کریٹکس چوائس ایوارڈز میں، راجامولی نے میرا بھارت مہان کا نعرہ لگایا اور اوتار کے خالق جیمزکیمرون کو حیران کردیا ، جب انہوں نے کہا کہ اس نے آر آر آر کو دو بار دیکھا ہے۔ ایس ایس راجامولی نے 28 ویںکریٹکس چوائس ایوارڈز میں بہترین اوریجنل گانا اور بہترین غیر ملکی زبان کی فلم کا ایوارڈ جیت کر ایک بار پھر ہندوستان کا سر فخر سے بلند کیا ہے۔ انہوں نے اپنی زندگی میں تمام خواتین کے لئے اعزازکو وقف کیا اور اپنی تقریر کے دوران میرا بھارت مہان کہا۔کریٹکس چوائس ایوارڈ جیت 80 ویں گولڈن گلوبز میں سرخیاں بنانے کے فوراً بعد آئی ہے۔ ان کی فلم آرآرآر بہترین غیر ملکی زبان کی فلم تھی اور اس کے گیت ناٹو ناٹو نے ایک بار پھر بہترین اوریجنل گانے کا اعزاز حاصل کیا۔
