لکھنؤ:3 ستمبر (یواین آئی) راشٹریہ لوک دل پارٹی (آر ایل ڈی) کے ایم ایل اے اور ایم پی اپنی ایک ماہ کی تنخواہ سیلاب ریلیف فنڈ میں عطیہ کریں گے ۔ تاکہ سیلاب سے متاثرہ لوگوں کی مدد کی جا سکے ۔ یہ ہدایت پارٹی کے قومی صدر اور مرکزی وزیر جینت چودھری نے دی ہے ۔ چہارشنبہ کو سوشل میڈیا پلیٹ فارم ایکس پر پوسٹ کرتے ہوئے جینت چودھری نے کہا کہ ملک کی کئی ریاستیں سیلاب سے مسلسل متاثر ہو رہی ہیں اور زندگی درہم برہم ہو رہی ہے ۔ کئی دنوں سے خاندان سیلاب سے متاثر ہیں۔انہوں نے کہا کہ پورا ملک سیلاب متاثرین کیلئے جمع ہو رہا ہے اور ان کے ساتھ کھڑا ہے ۔ غور طلب ہے کہ منگل کو اتر پردیش میں سیلاب سے متاثرہ اضلاع کی تعداد بڑھ کر 22 ہو گئی۔جبکہ اب تک ریاست کے 607 گاؤں کے 1,41,169 لوگ سیلاب سے متاثر ہوئے ہیں۔
