بانسواڑہ۔/11 ڈسمبر، ( سیاست ڈسٹرکٹ نیوز) پٹلم سے بانسواڑہ کی سمت آنے والی آر ٹی سی بس کااچانک بریک فیل ہوجانے کے باعث 8 مسافر شدید زخمی ہوگئے۔ تفصیلات کے بموجب پٹلم منڈل کے موضع برہمنہ پلی کے قریب بانسواڑہ ڈپوز کی آر ٹی سی بس جس میں تقریباً 48 مسافر سوار تھے پٹلم سے بانسواڑہ آرہی تھی جس کا اچانک بریک فیل ہوجانے پر ڈرائیور نے اپنی چالاکی اور ہوشیاری کے ساتھ بس کو ایک درخت سے ٹکر دے دی جس کے نتیجہ میں 8 مسافروں کو شدید زخمی حالت میں بانسواڑہ سرکاری دواخانہ منتقل کردیا۔ جہاں پر ڈاکٹروں نے فوری طور پر زخمیوں کا طبی معائنہ کیا۔ ایک بڑا حادثہ ہونے سے ٹل گیا۔
