ممبئی: مہاراشٹر اکے تقریباً 10آزاد قانون سازوں کے ایک گروپ نے جمعرات کو یہ دعویٰ کرتے ہوئے وزیر اعلیٰ ایکناتھ شندے کے ساتھ وزارتی عہدہ کے لیے اپنا دعویٰ ترک کرنے کا فیصلہ کیا کہ وہ ریاست کی موجودہ سیاسی پیشرفت سے تنگ آچکے ہیں۔پرہار جن شکتی پارٹی کے سربراہ اور سابق وزیر اوم پرکاش بی عرف بچو کڈو کی قیادت میںآزاد امیدواروں نے کہا کہ وہ کابینہ کے عہدوں کے لیے جاری مطالبے سے خاص طور پر ڈپٹی سی ایم اجیت پوار کی قیادت میں نیشنلسٹ کانگریس پارٹی کے حکومت میں شامل ہونے سے دلبرداشتہ ہیں۔کڈو نے اعلان کیاکہ ہم نے فیصلہ کیا ہے کہ ہم کابینہ کے عہدے کے لیے دباؤ نہیں ڈالیں گے، کیونکہ ہم اس پر وزیر اعلیٰ کو مزید پریشان نہیں کرنا چاہتے۔ہم آج اپنا دعویٰ ختم کرنے کا منصوبہ بنا رہے ہیں لیکن وزیر اعلیٰ نے ہمیں 17 جولائی کو میٹنگ کے لیے بلایا ہے، ہم اس کے اگلے دن اپنے منصوبوں کا اعلان کریں گے۔انہوں نے سابق وزیر اعلی ادھو ٹھاکرے کی قیادت میں شیوسینا (یو بی ٹی) – کانگریس۔این سی پی کی سابقہ مہا وکاس اگھاڑی (ایم وی اے) حکومت کا حوالہ دیا۔ ٹھاکرے سے اظہار تشکر کرتے ہوئے کڈو نے کہا کہ ان کی درخواست اور ہمیں کابینہ میں نمائندگی دینے کی یقین دہانی کے بعد ہی ہم ایم وی اے میں شامل ہوئے۔ انہوں نے اپنا وعدہ پورا کیا اور مجھے وزیر بنایا گیا۔
