آسام میں سیلاب کی وجہ سے 85 افراد ہلاک ، 70 لاکھ سے زیادہ لوگ متاثر

آسام میں سیلاب کی وجہ سے 85 افراد ہلاک ، 70 لاکھ سے زیادہ لوگ متاثر

گوہاٹی: آسام میں سیلاب کی وجہ سے مزید چھ افراد اپنی جان کی بازی ہارنے کے بعد ہلاکتوں کی مجموعی تعداد 85 ہوگئی ہے ، ریاستی حکومت نے پیر کے دن اس بات کی اطلاع دی ہے۔

آسام کے وزیر اعلی سربانند سونووال نے بتایا ہے کہ آسام کے سیلاب کی وجہ سے70 لاکھ سے زیادہ افراد متاثر ہوئے ہیں۔

اے این آئی سے بات کرتے ہوئے سونووال نے کہا کہ “ایک طرف لوگ کوویڈ-19 کی وجہ سے پریشانی کا شکار ہیں اور دوسری طرف آسام سیلاب سے پیدا ہونے والے چیلنجز درپیش ہیں۔

پھر بھی ہماری ریاست کے لوگ پریشانیوں کا مقابلہ کر رہے ہیں۔ مرکزی اور ریاستی حکومت لوگوں کو ہر طرح کی مدد فراہم کر رہی ہے۔

آسام کے سیلاب سے 70 لاکھ سے زیادہ لوگ متاثر ہوئے ہیں۔ لوگوں کو اور جانوروں کو بھی متاثرہ علاقوں سے بچایا جارہا ہے اور انہیں امدادی کیمپوں اور محفوظ مقامات پر منتقل کیا جارہا ہے۔

جہاں آسام میں سیلاب کی صورتحال سنگین ہے برہما پترا سمیت بیشتر ندی خطرے کے نشان سے بہت اوپر بہہ رہے ہیں ، ریاست کے کچر ضلع سے گزرنے والے دریائے بارک کی سطح کا پانی بھی عروج پر ہے۔

برہما پترا ندی کے بہہ جانے سے پہلے ہی فصلوں کو نقصان پہنچا ہے اور لاکھوں افراد بے گھر ہوگئے ہیں۔

اسٹیٹ ڈیزاسٹر مینجمنٹ اتھارٹی (اے ایس ڈی ایم اے) نے اتوار کے روز بتایا کہ شدید سیلاب کے سبب آسام میں کم از کم 84 افراد اپنی زندگی سے ہاتھ دھو بیٹھے ہیں۔ آسام میں کل تک شدید سیلاب کے باعث کازیرنگا نیشنل پارک میں نو گینڈوں سمیت 108 کے قریب جانور ہلاک ہوگئے ہیں۔