گوہاٹی: آسام کانگریس میں بحران بڑھتا جا رہا ہے ۔ پارٹی نے جمعہ کے روز ماریانی اسمبلی کی نشست سے رکن اسمبلی روپ جیوتی کرمی کو پارٹی مخالف سرگرمیوں کے الزام میں فوری اثر سے برطرف کردیا گیا۔ آسام کانگریس کی جانب سے جاری حکم میں کہا گیا ہے کہ مسٹرکرمی کے خلاف کی جانے والی کارروائی کو آل انڈیا کانگریس کمیٹی (اے آئی سی سی) نے منظوری دے دی ہے ۔دریں اثنا ، مسٹرکرمی نے دن میں اسمبلی اسپیکر وشوجیت ڈیماری کو اسمبلی کی رکنیت سے استعفیٰ سونپ کیا۔ ساتھ ہی انہوں نے کانگریس چھوڑنے کا اعلان بھی کردیا۔ امکان ہے کہ وہ جلد ہی بھارتیہ جنتا پارٹی میں شامل ہوں گے ۔ریاستی کانگریس کے صدر رپن بورا کی جانب سے جاری ایک حکم میں کہا گیا ہے کہ ‘‘ مسٹر کرمی کو پارٹی مخالف سرگرمیوں کے لئے فوری اثر سے انڈین نیشنل کانگریس کی ابتدائی رکنیت سے برطرف دیا گیا ہے ۔
