سڈنی۔5؍جنوری ( ایجنسیز ) آسٹریلیا کی 15 سالہ انڈرا براؤن نے تاریخ رقم کرتے ہوئے آسٹریلیا کی سب سے کم عمر اسکئیر بن کر فریسکی ہالف پائپ ورلڈکپ مقابلہ جیت لیا۔براؤن نے اپنی پہلی رن میں 85.20 پوائنٹس حاصل کیے جو کسی بھی دوسرے اسکئیر کیلئے عبور کرنا ممکن نہ رہا۔ اس کے ساتھ ہی انہوں نے سوئیڈن کی جینی لی برمنسن کے 18۔2017 سیزن میں قائم کیے گئے ریکارڈ کے برابر کامیابی حاصل کی جو اس ایونٹ کی سب سے کم عمر فاتح تھیں۔انڈرا براؤن نے ایک اور سنگ میل عبور کیا اور واحد آسٹریلوی کھلاڑی بن گئیں جنہوں نے فریسکی ہالف پائپ ورلڈکپ میں دو سے زائد پوڈیم فِنِشز حاصل کیں اور سابق ریکارڈ ہولڈرز ڈیوینا ولیمز اور ایمی شیہان کو پیچھے چھوڑ دیا۔تاریخی فتح کے بعد براؤن نے میڈیا سے گفتگو میں کہا کہ میں بہت خوش ہوں کہ میں نے کامیابی حاصل کی اور مستقبل کیلئے مزید پْرجوش ہوں۔ایونٹ میں چین کی 23 سالہ ڑانگ کیکسِن دوسرے نمبر پر آئیں جنہوں نے 84.20 پوائنٹس حاصل کیے جبکہ 23 سالہ امریکی اسکئیر سوا ایرونگ تیسرے نمبر پر رہی جنہوں نے 83.20 پوائنٹس بنائے۔