دبئی۔ آسٹریلیا کے لیجنڈری کرکٹر مائیک ہسی کا خیال ہے کہ موجودہ 50 اوورکی ٹیم کے پاس اس سال ہندوستان میں ہونے والا 2023 مینز ونڈے ورلڈ کپ جیتنے کا بہت اچھا موقع ہے۔ ان کا ماننا ہے کہ ٹیم کے موجودہ کھلاڑی ایک عرصہ سے ایک ٹیم یونٹ کی طرح کھیل رہے ہیں جس کا ٹیم کو فائدہ ہوگا۔ ہسی نے ویسٹ انڈیز میں آسٹریلیا کے ساتھ 2007 کا مردوں کا ونڈے ورلڈ کپ جیتا تھا اور حال ہی میں انہوں نے اپنے کوچنگ کے رکن کے طور پر انگلینڈ کوگزشتہ سال مردوں کا پہلا ٹی 20 ورلڈ کپ جیتنے میں مدد کرنے میں اہم کردار ادا کیا تھا۔ آسٹریلیا 2019 کے مردوں کے ونڈے ورلڈ کپ کے سیمی فائنل میں پہنچ گیا تھا، جہاں اسے حتمی چمپئن انگلینڈ سے شکست کا سامنا کرنا پڑا۔ہسی نے کہا ہے کہ میرے خیال میں آسٹریلیا کے پاس ایک بہت اچھا موقع ہے کیونکہ انہوں نے کھلاڑیوں کے ایک بڑے گروپ کو کچھ عرصے سے ساتھ رکھا ہوا ہے۔ وہ سب اپنے کردارکو اچھی طرح جانتے ہیں اور انہیں اپنی ٹیم میں بھی تھوڑا سا تسلسل ملا ہے۔ لگتا ہے کہ وہ کچھ چھوٹی مختلف چیزوں کی کوشش کررہے ہیں۔ انہوں نے آسٹریلیا کے پچھلے عظیم ونڈے ورلڈ کپ کے پانچ بارکپ جیتنے کے ریکارڈ کے ساتھ ساتھ اس سال مارچ میں ہندوستان کے خلاف حالیہ 2-1 سے سیریزکی فتح کا بھی حوالہ دیا۔آسٹریلیا نے (مارچ میں) ہندوستان کے خلاف ہندوستانی حالات میں سیریز میں اچھی کارکردگی کا مظاہرہ کیا اور کامیابی سے ورلڈ کپ میں بہت زیادہ اعتماد ملے گا۔ آسٹریلیا کی ورلڈ کپ مقابلوں میں ایک شاندار تاریخ ہے۔ اس لیے میں جانتا ہوں کہ وہ بہت اچھی کارکردگی کا مظاہرہ کرنے کے لیے پرعزم ہوں گے۔ یہاں بہت سی عظیم ٹیمیں ہیں، پسندیدہ کا انتخاب کرنا مشکل ہے لیکن مجھے لگتا ہے کہ آسٹریلیا خودکو ایک بڑا موقع دے گا۔ ہسی نے تبصرہ کیا کہ وہ توقع کرتے ہیں کہ لیگ اسپنر ایڈم زمپا اور آل راؤنڈر مچل مارش ہندوستان میں مردوں کے ونڈے ورلڈ کپ کے دوران برصغیر کی پچوں پر آسٹریلیا کے لیے اہم کردار ادا کریں گے۔ایڈم زمپا پورے ٹورنمنٹ میں آسٹریلیا کے لیے ایک بڑا کردار ادا کرسکتے ہیں۔ وہ پچھلے کچھ سال میں بہت عمدہ رہے ہیں۔ میں سمجھتا ہوں کہ مچ مارش کوئی ایسا شخص ہے جو یقینی طور پر بڑا اثر ڈال سکتا ہے۔
