حیدرآباد 16اکتوبر(یواین آئی) آصف آباد ضلع کے تاڈوبا اورتپیشور نیشنل پارک سے ضلع میں شیروں کی سرگرمیوں میں اضافہ کے پیش نظر عوام کو محتاط رہنے کی ہدایت دی گئی ہے ۔ فاریسٹ آفیسر نیرج کمار نے بتایا کہ سرپور حلقہ کے داہیگام علاقہ اٹکل پہاڑ، آصف آباد کے ریبن علاقہ و دیگر علاقوں میں شیروں کی موجودگی میں اضافہ ہوا ۔ انہوں نے کہا کہ جنگلاتی عملہ شیروں کی نشاندہی اور نگرانی کیلئے کام کر رہا ہے ۔ چرواہوں ، کسانوں، مزدوروں اور مقامی افراد کو مشورہ دیاگیا کہ وہ شیروں سے محتاط رہیں۔ انہوں نے بتایا کہ سردیوں میں شیروں کی سرگرمیاں بڑھ جاتی ہیں، اس لیے عوام اور کسانوں کو زیادہ چوکس رہنا چاہیے ۔
